About
Rocco a lanta den e districto di Savaneta, su mama ta di Aruba y su tata ta di Suriname. E tin un ruman muhe menor y un ruman homber mayor. Desde mucha, Rocco tawata tin un pasion pa deporte y a participa na tur tipo di deporte, y cu esey a nace tambe su pasion y ambicion pa bira un Agente Policial, pa asina brinda siguridad na su pais. Prome cu Rocco a drenta politica, el a traha den e cadena hudicial pa 16 aña y despues di esey a dicidi di drenta Politica, pa comparti su experencia y experticio.
Como Minister di Husticia y Asuntonan Social, su enfoke no a cambia, el a keda e mesun persona y ta traha incansablemente pa sigura husticia, igualdad y sosten pa cu salud mental y adiccion pa cada persona cu tin mester di e ayudo aki. Sin mas, Rocco tin un pasion specifico pa Salud Mental, su preocupacion di mas grandi ta ora un persona ta lucha cu su mes, sin por ricibi e cuido necesario, pa e motibo ey e ta determina pa kibra e stigma y haci e cuido accesibel pa un y tur.
Banda di su carera, su responsabilidad y compromiso cu su pais, Rocco ta sigui eherce su deporte, ta tuma tempo pa su hobbynan pero principalmente pa su yiunan. Su liderazgo ta basa riba confiansa, compasion y un deseo pa sigui construi un Aruba mas fuerte y uni caminda cada persona tin e oportunidad pa prospera.
6 di december nos ta para dilanti un momento hopi importante, caminda abo ta bay dicidi e rumbo di nos pais, si bo tambe ta desea continuacion di e maneho exitoso aki, un maneho responsabel y serio riba tur nivel, vota pa continuacion.
Cu bo sosten nos por garantisa cu 6 di december, Aruba ta sali victorioso.
